एफए कप: म्यानचेष्टर युनाइटेड फुटबलको चौथो चरणबाटै बाहिरियो

काठमाडौं, म्यानचेष्टर युनाइटेड एफए कप फुटबलको चौथो चरणबाटै बाहिरिएको छ । गएराति ओल्ड ट्राफोर्डमा सम्पन्न भएको खेलमा मिडिल्सब्रोले युनाइटेडलाई पेनाल्टी सुटआउटमा ८–७ गोलले पराजित गरेको हो ।

निर्धारित र थपिएको अतिरिक्त समयमा पनि खेल १–१ को बराबरी भएपछि खेल पेनाल्टीमा पुगेको थियो । युनाइटेडका एन्थोनी एलान्गाको पेनाल्टी प्रहार गोलपोष्टको बारमा लागेर बाहिरिएको थियो ।

२५औं मिनेटमा युनाइटेडका जाडोन साञ्चोले शुरूवाती गोल गरे पनि ६४औं मिनेटमा मिडिल्सब्रोका म्याट क्रुक्सले गोल गर्दै खेल ११ को बराबरी गरेका थिए ।