January 16, 2021, Saturday
२०७७ माघ ३, शनिबार

ला लिगा: ग्रानाडामाथि बार्सिलोनाको शानदार जित

  • 1
    Share

काठमाडौं, ला लिगा अन्तर्गत गए राति भएको खेलमा बार्सिलोनाले ग्रानाडामाथि शानदार जित निकालेको छ । बार्सिलोनाको जितका लागि कप्तान लियोनल मेस्सी र एन्टोनी ग्रिजम्यानले दुई–दुई गोल गरेका थिए ।

बार्सिलोनासँग कमजोर सावित भएको ग्रानाडाले खेलको पहिलो हाफमा तीन गोल खायो । पहिलो हाफमा बार्सिलोनका लागि ग्रिजम्यानले खेलको १२ मिनेटमा गोल गरे भने मेस्सीले ३५ र ४२ मिनेटमा दुई गोल गरे ।

मेस्सीको दुई र ग्रिजम्यानको १ गरेर पहिलो हाफमा ३–० ले पछाडि परेको ग्रानाडाले दोस्रो हाफमा थप एक गोल खाएको हो ।

ग्रिजम्यानले दोस्रो हाफको ६३ मिनेटमा थप एक गोल गर्दै बार्सिलोनालाई ४–० को अग्रतामा पुर्याएका थिए । ७८ औँ मिनेटमा ग्रानाडाका भालेजो सीधै रातो कार्ड पाएर मैदान छोडे ।

भालेजोले मैदान छोडेपछि ग्रानाडा १० खेलाडीमा सीमित भएको थियो । १० खेलाडीमा सीमित भएपछि भने बार्सिलोनाले गोल थप्न सकेन । यो जितसँगै बार्सिलोना तेस्रो स्थानमा उक्लिएको छ । उसले १८ खेलबाट ३४ अंक जोडेको हो । ग्रानाडा २४ अंकसहित सातौं स्थानमा छ ।एजेन्सी

शीर्ष समाचार

धेरै पढिएको