October 19, 2021, Tuesday
२०७८ कार्तिक २, मंगलवार

लेगस्पीनर सन्दीपले होबार्ट हुरिकेन्सबाट बीबीएल खेल्ने 

काठमाडौं, नेपाली राष्ट्रिय टिमका लेगस्पीनर सन्दीप लामिछानेले अष्ट्रेलियाको बिग बास लिग (बीबीएल) काे दशाैँ संस्करण होबार्ट हुरिकेन्सबाट खेल्न भएका छन् ।

होबार्टले बिहीबार बिहान विदेशी खेलाडीको कोटामा सन्दीपलाई अनुबन्धित गरेको उनका व्यवस्थापक रमन सिवाकोटीले जानकारी दिएका छन् ।

यसअघि सन्दीपले दुई सिजन मेलबर्न स्टार्सबाट बीबीएल खेलेका थिए । उनले दुवै सिजनमा गरी बीबीएलमा २० खेल खेल्दै २६ विकेट लिएका थिए ।

सन्दीपसँगै टी २० का नम्बर वान ब्याट्सम्यान डेविड मालानले पनि हाेबार्टबाट खेल्नेछन् । यस्तै वेष्ट ईन्डिजका अलराउण्डर किमाे पउल पनि हाेबार्टमा अनुबन्धित भएका छन् ।

बीबीएलको नयाँ सिजन आगामी डिसेम्बर १० अर्थात् मङ्सिर २५ गतेदेखि शुरु हुनेछ । यस सिजनमा हरेक टिमले तीन विदेशी खेलाडीलाई प्लेइङ सेटमा राख्न पाउने छन् ।

शीर्ष समाचार

धेरै पढिएको