February 26, 2021, Friday
२०७७ फाल्गुन १४, शुक्रबार

मकवानपुरमा ५ महिनामा घरेलु हिंसा सम्बन्धी ९८ वटा उजुरी दर्ता

  • 1
    Share

मकवानपुर, मकवानपुरमा चालु आर्थिक वर्ष २०७७/०७८ को ५ महिनामा महिला माथि हुने घरेलु हिंसा सम्बन्धी ९८ वटा उजुरी परेको छ । जिल्ला प्रहरी कार्यालय मकवानपुुरको तथ्याङ्क अनुसार चालु आर्थिक वर्षको श्रावणदेखि मंसिर मसान्तसम्ममा घरेलु हिंसा सम्बन्धी ९८ वटा उजुरी दर्ता भएको हो ।

प्रहरी तथ्याङ्क अनुसार श्रावणमा २१, भदौमा १४, असोजमा २३, कार्तिकमा १४ र मंसिरमा २६ गरी ९८ वटा उजुरी दर्ता भएको हो । दर्ता भएका ९८ मध्ये ६१ उजुरीलाई मिलापत्रमा टुंग्याइएको जिल्ला प्रहरी कार्यालय मकवानपुरले जनाएको छ ।

त्यस्तै १७ वटा उजुरीलाई अदालत पठाइएको छ भने २० वटा उजुरी उपर कारवाही हुन बाँकी रहेको प्रहरीले जनाएको छ । श्रावणको १०, भदौको ११, असोजको १९, कार्तिकको ९ र मंसिरको १२ वटा उजुरीलाई मिलापत्रमा टुंग्याइएको मकवानपुर प्रहरीको महिला सेलले जानकारी दिएको छ ।

त्यस्तै श्रावणको ६, भदौको २ , असोजको ३, कार्तिकको १ र मंसिरको ५ उजुरीलाई अदालत पठाइएको छ । बाँकी उजुरी उपर कारवाही हुन बाँकी रहेको प्रहरीले जनाएको छ ।

शीर्ष समाचार

धेरै पढिएको