December 3, 2021, Friday
२०७८ मंसिर १८, शनिबार

प्रवासी नेपाली मञ्च ,नागोयाको शुभकामना आदान- प्रदान कार्यक्रम सम्पन्न

जापानमा नेकपा (एमाले) निकट प्रवासी नेपाली मञ्च जापान, नागोयाको शुभकामना आदान-प्रदान कार्यक्रम सम्पन्न भएको छ। मञ्चले तिहार र छठ को पावन अवशरमा शुभकामना आदान-प्रदान विषेश कार्यक्रम नागोयामा आयोजना गरेको हो। कार्यक्रममा उपस्थित नेपाली समुदाय बिच एक आपसमा शुभकामना आदान-प्रदान संगै विविध सास्कृतिक कार्यक्रम समेत प्रस्तुत गरिएको थियो। कार्यक्रममा कलाकारहरु नरेश राई, रामकुमार राई, मिना शिरिशमगर , विमला मगर लगाएतले बिबिध सास्कृतिक कार्यक्रम प्रस्तुत गरेका थिए।

कार्यक्रम प्रवासी नेपाली मञ्च , नागोयाका अध्यक्ष रामकुमार थापाको अध्यक्षतामा तथा कार्यक्रम सञ्चालन ईश्वर थापाले गरेका थिए । प्रवासी नेपाली मञ्च नागोयाका सचिव कुमार अधिकारीले स्वागत मन्तव्य राखेको उक्त कार्यक्रममा प्रवासी नेपाली मञ्च, एशिया प्यासिफिकका संयोजक एवं जापानका सचिव समेत रहेका डा सरोज कँडेल प्रमुख अतिथि रहेका थिए । कार्यक्रममा कँडेलले नेपाल र जापानको बर्तमान समसामुहिक विषयमा प्रकाश पारेका थिए। कार्यक्रममा अतिथिहरु नेपाल पत्रकार महासंघ, जापान साखाका सल्लाहकार कविकिरण न्यौपाने, नायोया ब्रदशका अध्यक्ष विशाल अधिकारी , प्रवासी नेपाली मञ्च जापानका राष्ट्रिय कमिटि सदस्यहरु कृष्णप्रसाद भूषाल, अर्जून थापा, स्याङ्जा समाज नागोयाका सचिव मनोज ढुङ्गाना , नागोयाका रेष्टूरेन्ट व्यवशायी प्रेमकुमार राई लगाएतले शुभकामना मन्तव्य राखेका थिए।

शीर्ष समाचार

धेरै पढिएको