February 1, 2023, Wednesday
२०७९ माघ १८, बुधबार

गठबन्धनमा सहमति नभए एमालेसँग मिलेर एमसीसी पारित गर्ने रणनीतिमा देउवा

file photo

काठमाडौं, प्रधानमन्त्री तथा नेपाली कांग्रेसका सभापति शेरबहादुर देउवा अमेरिकी सहयोगसम्बन्धी (एमसीसी) पारित गर्ने पक्षमा उभिएका छन् । सकेसम्म गठबन्धनबाट सहमति निकालेर एमसीसी पारित गर्ने नभए नेकपा एमालेसँग मिलेर जाने देउवाको रणनीति छ ।

यसअघि उनले गठबन्धनमा आवद्ध दलहरु नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादी पार्टीका अध्यक्ष माधवकुमार नेपाललाई एमसीसीका पक्षमा आउन भनिसकेका छन् । यसो नभए विकल्पमा जाने स्पष्ट सन्देश देउवाले दिइसकेका छन् ।

यसैबीच बालुवाटारनिकट स्रोतका अनुसार प्रचण्ड एमसीसीको विपक्षमा छैनन् तर केही बुँदा संशोधनमा जोड दिइरहेका छन् । आज मात्रै देउवाले बालुवाटारमा प्रचण्डसँग यसबारे छलफल गरेका छन् । प्रचण्डले कुराकानीका क्रममा गठबन्धन जोगाउनुपर्ने भन्दै एमसीसीका केही बुँदा संशोधन गरेर जान आफू तयार रहेको जवाफ दिएका थिए ।

देउवाले आफ्नो विश्वासपात्र समेत रहेका सञ्चारमन्त्री ज्ञानेन्द्रबहादुर कार्कीलाई बालकोट पठाए । कार्कीले नेकपा एमालेका अध्यक्ष माधवकुमार नेपालसँग एमसीसीबारे छलफल गरेका छन् । देउवाले ओलीसँग गठबन्धन गर्नसक्ने संकेत पनि दिइसकेका छन् ।

प्रचण्ड र माधव नेपालसँग मिलेर जाने पक्षमा देउवा रहेको बुझिएको छ । सो सम्भावना नभेम उनी ओलीसँग मिलेर अघि बढ्ने तयारी भइसकेको छ ।

शीर्ष समाचार

धेरै पढिएको