January 24, 2022, Monday
२०७८ माघ १०, सोमबार

दोस्रो चरणको चुनावमा प्रकाशमानले देउवालाई समर्थन गर्ने

काठमाडौं, नेपाली कांग्रेस सभापतिको दोस्रो चरणको चुनावमा सभापतिका उम्मेद्वार बनेका प्रकाशमान सिंहले शेरबहादुर देउवालाई समर्थन गर्ने भएका छन् । मंगलबार दोस्रो चरणको चुनावअघि सिंहलाई भेट्न देउवा उनको निवास चाक्सीबारीमा पुगेका थिए ।

आफूलाई भेट्न आएका देउवासँग उनले यस विषयमा सहमति गरेका हुन् । कांग्रेसको १४औं महाधिवेशनमा सभापति पदको अन्तिम मत परिणामअनुसार देउवाले २२५८, शेखर कोइरालाले १७०२, प्रकाशमान सिंहले ३७१, विमलेन्द्र निधिले २५० र कल्याण गुरुङले २२ मत पाएका थिए ।

देउवाले ५१ प्रतिशत मत ल्याउन नसकेपछि दोस्रो चरणको निर्वाचन हुने भएको छ । भेटमा देउवाले आफ्नो कमजोरी सच्याउँदै पार्टीलाई सुधार गरेर लैजाने वचनबद्धता व्यक्त गरेका थिए ।

शीर्ष समाचार

धेरै पढिएको