सभागृहमा सार्वजनिक हुनुअघि विप्लवद्वारा शीर्ष नेताहरूसँग छलफल
काठमाडौं, कम्युनिस्ट पार्टी (नेकपा)का महासचिव नेत्रविक्रम चन्द ‘विप्लव’ले राष्ट्रिय सभागृहमा आयोजना गरिएको कार्यक्रममा सार्वजनिक हुनुअघि पार्टीका शीर्ष नेताहरूसँग छलफल गरेका छन् । सरकारसँगको वार्ता सफल भएपछि विप्लव दुई वर्षपछि सार्वजनिक कार्यक्रममा देखिन लागेका हुन् ।
सरकारसँग पार्टीका तर्फबाट वार्ताका लागि गठित समितिका शीर्ष नेताहरूसँग विप्लवले काठमाडौंमा भेटेका हुन् । उनले आजै मात्र रिहा भएका पार्टीका नेता धर्मेन्द्र बास्तोला लगायतको टोलीसँग भेटेका हुन् ।
यस्तै सरकार र विप्लव समूहबीच भएको सहमति सार्वजनिक गर्न आज २ बजे राष्ट्रिय सभागृहमा कार्यक्रम राखिएको छ । कार्यक्रमलाई प्रधानमन्त्री ओली, विप्लव लगायतले सम्बोधन गर्दैछन् ।
प्रतिकृया दिनुहोस्