February 26, 2021, Friday
२०७७ फाल्गुन १४, शुक्रबार

“एकल पुरुष” भत्ताले दैनिकी चलाउन सहज

  • 11
    Shares

काठमाडौं, ललितपुरको बागमती गाउँपालिका–४  स्थित प्युटारका एकल पुरुष बलबहादुर घलेलाई गाउँपालिकाले प्रदान गरेको “एकल पुरुष’ भत्ताले  दैनिकी चलाउन सहज भएको छ ।  

६३ वर्षीय एकल पुरुष घलेको अन्य कुनै आम्दानीको स्रोत नहुँदा गाउँपालिकाले प्रदान गरेको मासिक एक हजार रुपियाँ भत्ताबाट उनले राहत भएको महसुुस गरेका हुन् । “दैनिक नुन तेल, चियाको गर्जाे राम्ररी टरेको छ”, घलेले भने । घलेको १९ वर्षअघि श्रीमतीको मृत्यु भएको थियो । दुई सन्तानका पिता घलेकी छोरी विवाह गरी अन्यत्रै गएपछि हाल  सम्पर्कमा नभएको र छोरोसमेत पत्ता नलागेको उनले बताए । 

घलेजस्तै गाउँपालिका–३ स्थित ट्टेडाँडाका अर्का एकल पुरुष हरिबहादुर सिञ्जालीले पनि गाउँपालिकाले प्रदान गरेको एकल पुरुष  भत्ताले राहत पाएको महसुस गरेका छन् । ६९ वर्र्षीय एकल पुरुष सिञ्जालीकी श्रीमतीको केही वर्षअघि नै मृत्यु भएको र बालबच्चा कोही पनि नजन्मेको उनले बताए । 

“गाउँपालिकाले प्रदान गरेको मासिक एक हजार रुपियाँले चिया खाजा खान सजिलो भएको छ”, उनले भने, “हामीजस्ता एकल पुरुषलाई गाउँपालिकाले भत्ता प्रदान गरेर ठूलो गुन लगाएको छ ।” आजको गोरखापत्र दैनिकमा खबर छ । 

शीर्ष समाचार

धेरै पढिएको