January 24, 2021, Sunday
२०७७ माघ ११, आईतवार

उखु किसानको बक्यौता भुुक्तानी नगर्ने चिनी उद्योगीलाई कारवाही गर्न प्रशासनलाई पत्र

  • 14
    Shares

काठमाडौं, लामो समय देखि उखु किसानको बक्यौता भुुक्तानी नगर्ने चिनी उद्योगीलाई कारवाही गर्न गृह मन्त्रालयले जिल्ला प्रशासन कार्यालयलाई पत्राचार गरेको छ ।

मंगलबार गृहमन्त्रीको अध्यक्षमा बसेको बैठकको निर्णय अनुसार चिनी उद्योगलाई कानुनी कारवाही गर्न गृह मन्त्रालयले जिल्ला प्रशासनलाई मंगलबार नै पत्राचार गरेको हो ।

लामो समय देखि चिनी उद्योगीले किसानको बक्यौता भुक्तानी नगरेपछि आइतबारदेखि किसान आन्दोलनमा उत्रिएपछि मंगलबार कृषि, उद्योग, वाणिज्य तथा आपुर्ति मन्त्री र गृह मन्त्री बीच गृह मन्त्रलायमा बैठक बसेको थियो ।

तीन मन्त्रालयका मन्त्रीहरु बीचको छलफलपछि किसानको बक्यौता भुक्तानी नगर्ने चिनी उद्योगीलाई कारवाही गर्ने निर्णय आएपछि सर्लाही, नवलपरासी र रौतहटका जिल्ला प्रशासन कार्यालयलाई पत्रलेखी पठाएको गृह मन्त्रालयका प्रवक्ता चक्रबहादुर बुढाले जानकारी दिए ।

प्रवक्ता बुढाले चिनी उद्योगी किसानलाई पटक पटक सहमति गरी झुलाउने काम गरेको हुँदा अब कारवाही गरेरै बक्यौता भुक्तानी गर्न लगाउने बताए । प्रवक्ता बुढाले भने, ‘अब किसानलाई रुवाउने उद्योगीलाई यतिकै छाडिदैन ।’राजधानी दैनिकबाट

शीर्ष समाचार

धेरै पढिएको