February 1, 2023, Wednesday
२०७९ माघ १९, बिहीबार

अफगानिस्तानमा टिकटक र पब्जीमा प्रतिबन्ध लगाउन तालिबानको आदेश

तालिबानले भिडिओ शेअर गर्ने एप टिकटक र अनलाइन मल्टिप्लेअर गेम पब्जीमा प्रतिबन्ध लगाउन आदेश दिएको छ। टिकटक र पब्जीले अफगान युवाहरूलाई गलत दिशामा डोर्‍याएको तालिबानको आरोप छ।

उक्त लडाकु समूहले टेलिभिजनहरूलाई पनि अनैतिक सामग्री प्रसारणमा प्रतिबन्ध लगाउने बताएको छ।हालै सङ्गीत, चलचित्र र टेलिभिजन धारावाहिकमा प्रतिबन्ध लगाएको तालिबानले थप प्रतिबन्धहरूको घोषणा गरेको हो।

गत वर्ष सत्तामा पुगेपछि तालिबानले नरम नीति लिने वाचा गरेको थियो। तर सरकारमा पुगेपछि तालिबानले विशेष गरी महिलासहित नागरिकको स्वतन्त्रतामाथि नियन्त्रण बढाउँदै लगेको छ।सन् १९९६ देखि २००१ सम्मको तालिबानको पहिलो शासनकालमा कठोर इस्लामिक कानुनहरू लागु गरिएको थियो। bbc

शीर्ष समाचार

धेरै पढिएको