युरोपको सबैभन्दा ठूलो आणविक प्लान्टमा रुसको आक्रमण
काठमाडौं, युक्रेनका राष्ट्रपति भोलोदिमिर जेलेन्स्कीले रुसी सेनाले युरोपको सबैभन्दा ठूलो आणविक प्लान्टमा आक्रमण गरेको बताएका छन् ।
उनले विश्व समुदायसँग सहयोगको अपिल समेत गरेका छन् । अन्तर्राष्ट्रिय सञ्चारमाध्यमका अनुसार ट्विटरमा पोस्ट गरिएको एक भिडियो सन्देशमा जेलेन्स्कीले युरोपको सबैभन्दा ठूलो आणविक प्लान्ट खतरामा रहेको बताएका छन् ।
रुसी बलले जानीबुझी आणविक पावर प्लान्टलाई निसाना बनाइरहेको जेलेन्स्कीले भनेका छन् । उनले सन् १९८६ मा चेर्नोबिल आणविक घटनाबारे उल्लेख गर्दै जापोरिज्याको आणविक प्लान्टमा केही घटना भए त्यसको नतिजा नराम्रो हुने बताए ।एजेन्सी
प्रतिकृया दिनुहोस्