October 3, 2023, Tuesday
२०८० आश्विन १६, मंगलवार

युक्रेनलाई हतियार पठाइरहेको छ नेटो : रूसी राष्ट्रपति पुटिन

रूसी राष्ट्रपति भ्लादिमिर पुटिनले नेटो सदस्यहरूले युक्रेनलाई हतियारहरू प्रदान गर्दै उत्तेजित गर्ने काम जारी राखेको बताउनुभएको छ । यो मुद्दामा फ्रान्सेली राष्ट्रपति इमानुएल म्याक्रोनसँग छलफल गरिएको थियो ।

‘नेटो सदस्य राष्ट्रहरूले युक्रेनलाई आधुनिक प्रकारका हतियारहरू उपलब्ध गराउँदै युक्रेनी सेनाको आधुनिकीकरणका लागि महत्त्वपूर्ण वित्तीय स्रोतहरू विनियोजन गरेका छन् । तिनीहरूले सैन्य विशेषज्ञ र प्रशिक्षकहरू पठाएका छन्,’ पुटिनले रुसी–फ्रान्सेली वार्ता पछि पत्रकार सम्मेलनमा उक्त टिप्पणी गर्नुभएको छ ।अवश्य पनि हामीले राष्ट्रपतिसँग सबै कुराको बारेमा कुरा गर्यौं, तपाईले देख्न सक्नुहुन्छ, धेरै लामो समयसम्म, लगभग छ घण्टासम्म छलफल भएको थियो,’ पुटिनले थप्नुभयो ।

किभले डोनबासको अवस्थाको शान्तिपूर्ण समाधानका लागि सबै सम्भावनाहरूलाई बेवास्ता गरेको छ र मिन्स्क सम्झौताहरूको पालना गर्न किभले अस्वीकार गरेकोमा म्याक्रोनको ध्यानाकर्षण गराएँ, पुटिनले थप टिप्पणी गर्नुभयो ।

‘निस्सन्देह, मेरो पक्षको लागि, मैले मिन्स्क प्याकेजअन्तर्गतको उपाय र सम्झौताको नर्मन्डी ढाँचामा, शिखर सम्मेलनमा पुगेकाहरू सहितको दायित्वहरू पालना गर्न वर्तमान किभ अधिकारीहरूको अनिच्छाप्रति राष्ट्रपतिको ध्यानाकर्षण गराएको छु,’ पुटिनले भन्नुभयो ।

‘हामी आशा गर्छौं कि राष्ट्रपतिले कम्तीमा आज भने जस्तै भोलि कीभ नेतृत्वसँगको बैठकमा युक्रेनी समझौताभित्र युरोपमा सुरक्षा र स्थायित्व सुनिश्चित गर्ने ग्यारेन्टीका मुद्दाहरूमा छलफल गर्न चाहन्छन्,’ पुटिनले भन्नुभयो । मङ्गलबार म्याक्रोनले युक्रेनी राष्ट्रपति भोलोडिमिर जेलेन्स्कीसँग भेट्न कीभ जाने योजना बनाउनुभएको छ।

शीर्ष समाचार

धेरै पढिएको