July 25, 2024, Thursday
२०८१ श्रावण १०, बिहीबार

भारतमा एकैदिन साढे एक लाख बढीमा कोरोना पुष्टि

नयाँदिल्ली, भारतमा एकैदिन कोरोना भाइरसबाट थप एक लाख ६१ हजार ३८६ जनामा संक्रमण पुष्टि भएको छ । भारतीय सरकारी अधिकारीहरुका अनुसार बुधबार कोरोनाबाट थप एक हजार ७३३ जनाको मृत्यु भएको छ ।

अघिल्लो दिन एक लाख ६७ हजार ५९ मा संक्रमण देखिएको थियो । सङ्घीय स्वास्थ्य मन्त्रालयले पछिल्ला केही दिनदेखि दैनिक सङ्क्रमितको संख्या घटेपनि मृतकको संख्या बढिरहेको जनाएको छ ।

यसैगरी भारतमा हालसम्म कोरोना भाइरसबाट सङ्क्रमितहरुको सङ्ख्या चार करोड १६ लाख ३० हजार ८८५ पुगेको छ । अहिलेसम्म कोरोनाबाट चार लाख ९७ हजार ९७५ जनाले ज्यान गुमाइसकेका छन् ।

त्यहाँ सक्रिय सङ्क्रमितको सङ्ख्या १६ लाख २१ हजार ६०३ रहेको मन्त्रालयले जनाएको छ । यो सङ्ख्या पनि दिनप्रति दिन घट्दै गइरहेको छ ।एजेन्सी

शीर्ष समाचार

धेरै पढिएको