Troops are seen at the main square where hundreds of people were protesting against the government, after authorities’ decision to lift price caps on liquefied petroleum gas, in Almaty, Kazakhstan January 6, 2022. REUTERS/Mariya Gordeyeva

हाम्रो कान्तिपुर २०७८ पुष २३

अल्माटीबाट, काजकिस्तानमा कम्तीमा ३ हजार प्रदर्शनकारी पक्राउ परेका छन् । रुसको शान्ति सेना परिचालनपछि शुक्रबार कम्तीमा ३ हजारभन्दा बढी सरकार विरोधी प्रदर्शनकारी पक्राउ परेका हुन् । 

काजकिस्तानको आन्तरिक मामला मन्त्रालयका अनुसार पेट्रोलिय पदार्थ र खाना पकाउने ग्यासको मूल्यवृद्धिको विरोधका कारण अशान्त बनेको काजकिस्तानमा त्यहाँ राष्ट्रपति कासिम जोमार्ट तोकायिभको आग्रहमा बिहीबारबाट रुसको शान्ति सेना तैनाथ भएको थियो ।

त्यहाँ इन्धनको मूल्यवृद्धिको विरोधमा आइतबार सरकारविरोधी नागरिकले प्रदर्शन सुरु गरेका थिए । करिब एक हप्ता लामो सो प्रदर्शन पछि हिंसामा परिणत भएको थियो ।

काजकिस्तानको ठूलो सहर अल्माटीबाट सुरु भएको सो प्रदर्शन देशभर चलेको थियो । प्रदर्शन हिंसामा परिणत भएपछि गएको मंगलबार काजकिस्तान सरकारले राजीनामा दिएको थियो भने देशमा संकटकाल घोषणा गरिएको थियो ।