September 20, 2021, Monday
२०७८ आश्विन ४, सोमबार

अफगानिस्तानबाट अमेरिकी सेना फिर्ता भएपछि अमेरिकी दूतावास काबुलबाट दोहा सारियो

अफगानिस्तानबाट अमेरिकी सेनाको अन्तिम टोली फिर्ता भएसँगै एन्टोनी ब्लीङ्केनले अमेरिकाले अफगानिस्तानमा नयाँ कूटनीतिक मिसन सुरु गरेको बताएका छन् । अमेरिकी जनतालाई सम्बोधन गर्दै ब्लीङ्केनले काबुलस्थित अमेरिकी दूतावासलाई बन्द गरेर कतारको राजधानी दोहामा स्थानान्तरण गरिएको जानकारी दिएका हुन् ।

उनले भने, ‘अब अमेरिकी सेनाको अन्तिम फ्लाइट पूरा भएको छ । हाम्रा सैनिकले अफगानिस्तान छाडिसकेका छन् । अफगानिस्तानसँग अमेरिकाको सम्बन्धमा नयाँ अध्याय सुरु भएको छ जसमा हामीले हाम्रो कूटनीतिलाई अघि बढाउँछौँ । सैन्य अभियान पूरा भयो । अब एक नयाँ कूटनीतिक मिसन सुरु भएको छ ।’ उनले अफगानिस्तानबाट १ लाख २३ हजार जनाको उद्धार गरिएको जानकारी दिए । यसमध्ये ६ हजार बढी अमेरिकी नागरिक रहेका छन् ।

अफगानिस्तानबाट १ लाख २३ हजार जनालाई सुरक्षित निकालिएको र त्यसमध्ये ६ हजारभन्दा बढी अमेरिकी सैनिक रहेको पनि जानकारी दिए । ‘आजदेखि हामीले काबुलमा हाम्रो कूटनीतिक उपस्थिति बन्द गरेका छौँ र दूतावासलाई दोहा सारिएको छ । हामीले यसबारे चाँडै नै कङ्ग्रेसलाई जानकारी दिनेछौँ । अफगानिस्तानको राजनीतिक र सुरक्षा परिस्थितिलाई मध्य नजर गर्दै यो सुझबुझपूर्ण कदम थियो,’ उनले भने ।

शीर्ष समाचार

धेरै पढिएको