काबुल, संयुक्त राज्य अमेरिकाको राष्ट्रपति जो बाइडेनले अफगानिस्तानको काबुल विमानस्थलमा अझै आतंकवादी हमला हुन सक्ने चेतावनी दिएका छन् । एक विज्ञप्तिमार्फत बाइडेनले २४ देखि ३६ घण्टाभित्रमा अर्को आक्रमण हुनसक्ने चेतावनी दिएका हुन् ।
अन्तर्राष्ट्रिय सञ्चारमाध्यमका अनुसार वाइडेनले हाल काबुलको स्थिति खतराजनक रहेको र विमानस्थलमा हमलाको खतरा बढेको बताएका हुन् ।यसअघि पनि अमेरिकाले काबुल विमानस्थल बाहिर आक्रमण हुनसक्ने चेतावनी दिएको थियो ।
उनको चेतावनी लगतै काबुल विमानस्थलबाहिर दुई शक्तिशाली आत्मघाती बम विस्फोट भएको थियो । जसमा १७० जना अफगानी र १३ जना अमेरिकी सेनाको ज्यान गएको थियो ।
उक्त घटनापछि बाइडेनले आफ्ना नागरिकका साथै कैयौँ निर्दोषको ज्यान लिनेहरुमाथि कडा कारबाहीको चेतावनी समेत दिएका थिए ।
शनिबार बिहान मात्र अमेरिकाले अफगानिस्तानमा ड्रोन हमलाद्धारा उक्त हमलाको समूह आइएस आइएसको एक लडाकुको हत्या गरेको थियो ।
प्रतिक्रिया
