नयाँदिल्ली, छिमेकी मुलुक भारतमा पछिल्लो २४ घण्टामा थप एक लाख ६३६ जनामा कोरोना सङ्क्रमण पुष्टि भएको छ । सोही अवधिमा एक लाख ७४ हजारभन्दा बढी सङ्क्रमित कोरोनामुक्त भएका छन् ।
भारतको केन्द्रीय स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा थपिएका सङ्क्रमितसँगै भारतमा कोरोना सङ्क्रमितको संख्या दुई करोड ८९ लाख नौ हजार ९७५ पुगेको छ भने हालसम्म दुई करोड ७१ लख ५९ हजार १८० जना कोरोनामुक्त भएका छन् ।
यस्तै भारतमा हाल सक्रिय संक्रमितको संख्या १४ लाख एक हजार ६०९ रहेको छ । पछिल्लो चौबीस घण्टामा दुई हजार ४२७ सङ्क्रमितको मृत्यु भएको छ । मन्त्रालयका अनुसार हालसम्म तीन लाख ४९ हजार १८६ सङ्क्रमितले ज्यान गुमाएका छन् ।एजेन्सी
प्रतिक्रिया
