October 28, 2021, Thursday
२०७८ कार्तिक ११, बिहीबार

अफगानिस्तानको १६ प्रान्तमा दुई हप्ताका लागि विद्यालय बन्द

काठमाडौं, विश्वव्यापी महामारी कोरोना सङ्क्रमण बढेपछि अफगानिस्तानको राजधानी काबुलसहित अन्य १६ प्रान्तमा दुई हप्ताका लागि विद्यालय बन्द गरिएको छ ।

अफगानिस्तानको स्वास्थ्य मन्त्रालयका अनुसार कोरोना रोकथाम तथा नियन्त्रण गर्ने उद्देश्यले उक्त घोषणा गरिएको हो ।

कोभिड–१९ नियन्त्रणका लागि काबुल, गजनी, हेलमण्ड, कान्दाहर, लोगर, नानगर, परवान, मैदान वार्ड, पञ्जशीर, बल्ख, लघमान, बद्दाशान, कपिसा, कुन्दलगायतका क्षेत्रमा सरकारी तथा निजी विद्यालयहरू, विश्वविद्यालयहरू र तालिम केन्द्रहरू बन्द गरिएको हो ।

मन्त्रालयका अनुसार गत वर्ष कोभिड–१९ को पहिलो लहर आउँदा एक दिनमा सबैभन्दा धेरै सङ्क्रमण पुष्टि हुनेको सङ्ख्या ९१५ रहेकोमा दोस्रो लहरबाट शुक्रबार ९७७ जना सङ्क्रमित भएपछि सरकारले विद्यालय बन्द गर्ने निर्णय लिएको बताइएको छ ।

सरकारले २४ घण्टाको अन्तरालमा तीन हजार ८०० नमुनामा कोभिड–१९ परीक्षण गर्दा ९७७ जना सङ्क्रमित भेटिएको हो । उक्त अवधिमा कोभिड–१९ सङ्क्रमण पुष्टि भएका १८ व्यक्तिको मृत्यु भएको र १५७ जना निको भएको सरकारी तथ्याङ्कमा उल्लेख छ ।एजेन्सी

शीर्ष समाचार

धेरै पढिएको