वासिङ्टन, अमेरिकी राष्ट्रपति जो बाइडेनले कोरोना भाइरसको उत्पतिबारे तीव्र अध्ययन गर्न गुप्तचर निकायहरुलाई आदेश दिएका छन् ।
कोरोना भाइरसको उत्पतिबारे विवाद र आशंक बढ्दै गएका बेला अमेरिकी राष्ट्रपति बाइडेनले ९० दिन भित्र अध्ययन गरिसक्न गुप्तचर निकायका प्रमुखहरुलाई आदेश दिएका हुन् ।
उनले आफ्नो अध्ययन क्षमता र गतिलाई दोब्बर बनाएर ९० दिनभित्र आफूलाई ब्रिफिङ्ग गर्न गुप्तचर तथा कूटनीतिक निकायलाई वक्तव्य मार्फत निर्देशन दिएका हुन् ।
सन् २०१९ को अन्त्यतिर चीनको हुवेइ प्रान्तको वुहानमा पहिलोपटक विश्वव्यापी महामारी कोरोना भाइरसको संक्रमण पुष्टि भएको थियो । वुहानको समुद्री खाद्यान्न बजारबाट मानिसमा कोरोना भाइरस सरेको चिनियाँ अधिकारीले बताएका थिए ।
वैज्ञानिकहरुले भने जनावरबाट मानिसमा भाइरस सरेको हुन सक्ने बताउँदै आएका छन् । तर कतिपयले कोरोना भाइरस वुहान स्थित प्रयोगशालाबाट चुहावट भएर मानिसमा सरेको आंशका गर्दै आएका छन् ।एजेन्सी
प्रतिक्रिया
