May 12, 2021, Wednesday
२०७८ बैशाख २९, बुधबार

भारतमा पहिलोपटक एकैदिन दुई लाखभन्दा बढीमा कोरोना संक्रमण

  • 2
    Shares

नयाँदिल्ली, छिमेकी राष्ट्र भारतमा पछिल्लो पटक दुई लाख बढीमा कोरोना भाइरसका संक्रमण फेला परेका छन् । गत २४ घण्टामा त्यहाँ २ लाख ७ हजार ३९ जनामा कोरोना संक्रमण पुष्टि भएको हो ।

भारतीय सञ्चारमाध्यमका अनुसार विश्वमा कोरोना महामारी शुरु भएयता भारतमा एकैदिन संक्रमित हुनेको यो संख्या अहिलेसम्मकै उच्च हो । यसअघि हिजो मात्रै त्यहाँ १ लाख ८५ हजार भन्दा बढी संक्रमित थपिएका थिए ।

संक्रमणको दोस्रो लहर विश्वभर नै दिनहुँ भयावह हुँदा त्यसबाट भारत सबैभन्दा बढी प्रभावित भएको मुलुक हो । १ करोड ४० लाख ७४ हजार ५६४ पुगेको छ ।त्यस्तै सक्रिय संक्रमितको संख्या १४ लाख ७१ हजार ८७७ रहेको छ भने संक्रमणमुक्त हुने १ करोड २४ लाख नाघेका छन् ।

भारतपछि अमेरिकामा ७८ हजार, ब्राजिलमा ७५ हजार, टर्कीमा ६२ तथा फ्रान्समा ४३ हजार भन्दा बढी संक्रमित भए । पछिल्लो पटक विश्वभर ८ लाख ३ हजार भन्दा बढी कोरोनाका संक्रमित थपिए ।
सोही अवधिमा संक्रमणबाट सबैभन्दा बढी ब्राजिलमा ३ हजार ४ सय भन्दा बढीले ज्यान गुमाए ।

त्यस्तै भारतमा एक हजार ३८ तथा अमेरिकामा ९ सय भन्दा बढीको मृत्यु भयो । पछिल्लो पटक विश्वमा कोरोना संक्रमित मध्ये झण्डै १३ हजार ५ सय जनाले ज्यान गुमाएका छन् ।एजेन्सी

शीर्ष समाचार

धेरै पढिएको