नयाँदिल्ली, भारतका सेना प्रमुख सेनापति एमएम नरवणेले सीमा क्षेत्रबाट भारत र चिनले सेना फिर्ता लिनु दुबैका लागि फाइदाजनक हुने बताएका छन् । उनले भारतले पूर्वी लद्दाखको देपसांग क्षेत्र समाधान गर्ने रणनीति बनाएका छन् ।
अंग्रेजी अखबार इन्डियन एक्सप्रेसमा प्रकाशित समाचारका अनुसार बुधवार ‘विवेकानंद इन्टरनेसनल फाउन्डेशन’ द्वारा आयोजित वेबिनारमा सेना प्रमुखले प्याङ्गयोङ्ग तालको उत्तरी र दक्षिणी किनारबाट भारत र चीनको सेना फिर्ता लिनु दुबै पक्षको फाइदाजनक स्थिति भएको बताएका हुन् ।
भारत र चीन दुबै पक्षले महसुस गर्नु पर्छ कि उनीहरूले केहि हासिल गरेका छन् । उनले भने कि पूर्वी लद्दाखमा रहेका अन्य पेन्डिङ मुद्दाहरूलाई सम्बोधन गर्ने रणनीति पनि बनाइए बताएका छन् । उनले चीन र भारतबिच अझै पनि विश्वासको कमी भएको बताए ।
उनले भने, “दुबै बीच विश्वासको कमी छ र त्यो कमीलाई समाधान नगरेसम्म एलएसीको दुबै पक्षमा के-के गतिविधि भइरहेको छ त्यसमा हामी नजर राख्नेछौं । तर समग्र हामीले धेरै हासिल गरेका छौं।”
चीनले पाकिस्तानसँगको दुई मोर्चामा भारतको बिरूद्ध युद्ध गर्न सक्छ कि सक्दैन भन्ने प्रश्नमा जनरल नरवणेले भने, “यस्तो बन्धनको कुनै संकेत भेटिएन तर भारतले दुई साढे दुई मात्र होईन, मोर्चालाई ध्यानमा राख्दै हामीसँग योजनामा पुग्न धेरै कुरा छ ।”
प्रतिक्रिया
