July 25, 2021, Sunday
२०७८ श्रावण १०, आईतवार

अमेरिकी राष्ट्रपति बाइडेनको पहिलो विदेशी बैठक क्यानेडियन प्रधानमन्त्री ट्रुडोसँग

वासिङटनस्, अमेरिकी राष्ट्रपति जो बाइडेनले पदभार सम्हालेको एक महिनापछि पहिलो विदेशी बैठक क्यानेडियन प्रधानमन्त्री जस्टिन ट्रुडोसँग हुने भएको छ । प्रधानमन्त्री ट्रुडोसँग हुने सरकार प्रमुखसँगको पहिलो औपचारिक बैठक अर्को साता हुने तय भएको हो ।

आगामी साता बाइडेन र ट्रुडोबीच भर्चुअल बैठक हुनेछ । बाइडेनले उक्त बैठकमा अमेरिका र क्यानडाबीच बलियो र गहिरो सम्बन्धलाई जोड दिने ह्वाइट हाउसका अधिकारीहरुले बताएको छ ।

बाइडेनले क्यानडाका अरु मन्त्रीहरुसँग पनि भर्चुअल बैठक गर्ने बताइएको छ । उक्त बैठकमा द्वीपक्षीय र वैश्विक मुद्दाहरुमाथि छलफल हुने शनिबार जारी गरिएको विज्ञप्तिमा उल्लेख छ ।

क्यानडाका प्रधानमन्त्री ट्रुडोले भने आगामी बैठकलाई स्वागत गर्दै उनले ट्वीटरमा यसबारे लेख्दै आफूले बैठकलाई स्वागत गरेको प्रतिक्रिया दिएका छन् ।

प्रायजसो अमेरिकी राष्ट्रपतिहरु आफ्नो पहिलो भ्रमण मेक्सिको वा क्यानडामा गर्दैआएका छन् । तर निवर्तमान राष्ट्रपति डोनल्ड ट्रम्पले साउदी अरेबिया रोजेका थिए ।एजेन्सी

शीर्ष समाचार

धेरै पढिएको