March 2, 2021, Tuesday
२०७७ फाल्गुन १८, मंगलवार

पाकिस्तानमा भएको आक्रमणमा पाँच सैनिकको मृत्यु, एक गम्भीर घाइते

  • 20
    Shares

वरिजिस्तान, पाकिस्तानको दक्षिणी वजिरिस्तान जिल्लाको सुरक्षा जाँच चौकीमा भएको आक्रमणमा पाँच सैनिकको मृत्यु भएको छ भने एकजना गम्भीर घाइते भएका छन् ।

सुरक्षा अधिकारीहरुका अनुसार दक्षिणी वजिरिस्तानको जवार पोस्टमा बिहीबार राति आक्रमण भएको र त्यसबाट पाँच सैनिकको मृत्यु र एक सैनिक गम्भीर घाइते भएका हुन् ।

सेनाले उक्त इलाकामा थप सैनिक परिचालन गरी आक्रमणकारीको खोजी कार्यलाई तिब्र बनाएको जनाएको छ ।

उक्त आक्रमणको जिम्मेवारी पाकिस्तानी तेहरिक–ए–तालिबानीले लिएको छ ।अफगानिस्तानसँग सीमा जोडिएको दक्षिणी वजिरिस्तान हतियारधारी विद्रोहीहरुको गढका रुपमा चिनिन्छ ।

सरकारले व्यापक सैनिक परिचालन गरी त्यस क्षेत्रमा सक्रिय विद्रोहीलाई निस्तेज बनाउँदै लगेको छ ।एजेन्सी

शीर्ष समाचार

धेरै पढिएको