सीओल, उत्तर कोरियाका नेता किम जोन उनले मन्त्रीपरिषदको आर्थिक योजना असभ्य भएको बताउँदै निन्दा गरेका छन् ।
नेता किमले आगामी ५ वर्षे आर्थिक लक्ष्यमा नविनता र “स्मार्ट रणनीति” अभाव भएको भन्दै मन्त्रीपरिषदको योजना निन्दा गरेका हुन् ।
सत्तारुढ मजदुर पार्टीले बिहिवार आफ्नो चार दिने बैठक सम्पन्न गरेको छ । जसमा किमले अन्तर-कोरियाली मामिला र अन्य देशहरुसँगको सम्बन्धका साथै पार्टीका नियम र कार्मिक मुद्दाहरुको बारेमा आफ्नो भनाइ राखे ।
उनले एजेन्डालाई शिर्ष स्थानमा राख्दै आफ्नो नयाँ पाँच वर्षे रणनीतिको समिक्षा गरे । अन्तर्राष्ट्रिय प्रतिबन्धहरुको सामना गर्दै लामो समयसम्म सीमा बन्द हुने भएकाले कोरोना महामारीबिच बाह्य सहयोग घटाउनुपर्ने उनले बताएका छन् ।
उनले मन्त्रिपरिषद्को आर्थिक योजनामा मस्यौदा तयार पार्ने काम भएको आरोप लगाए । जुन अघिल्लो योजनामा खासै प्रगति हुन सकेन र “लगभग सबै क्षेत्रमा ठूलो विफल भएका थिए ।”
अन्तर्राष्ट्रिय सञ्चारमाध्यमका अनुसार उनले बैठकमा भने, “यो योजनाहरूले पार्टीको विचारधारा र दिशानिर्देशहरूलाई सही रूपमा प्रतिबिम्बित गर्दैन र अभिनव अन्तरदृष्टि र स्मार्ट रणनीतिहरूको अभाव भएको छ ।”
“मन्त्रिपरिषद्ले मन्त्रिपरिषद्ले दिएको संख्यालाई संयन्त्रले झैं एकै ठाउँमा राख्ने क्रममा केही क्षेत्रका योजनाहरू अव्यावसायिक ढंगले बढाइएको थियो र अरूले लक्ष्यहरू कम गरेका थिए जुन सहजै प्राप्त गर्न सकिएको थियो र गरिनै पर्छ।”, नेता किमले भने । एजेन्सी
प्रतिक्रिया
