वासिङ्टन, निवर्तमान अमेरिकी राष्ट्रपति डोनल्ट ट्रम्पले जो बाइडेनको शपथ ग्रहण समारोहमा सहभागी नहुने बताएका छन् । २० जनवरीमा हुने अमेरिकाका आगामी राष्ट्रपति बाइडेनको शपथ ग्रहण समारोहमा भाग नलिने बताउँदै उनले शुक्रबार एक ट्विटमार्फत जानकारी गराएका हुन् ।
बुधबार उनका समर्थकहरूले अमेरिकी संसद भवनमा आक्रमण गरेपछि सोशल मिडिया प्लेटफर्मले उनलाई प्रतिबन्ध लगाएको थियो । तर लगभग १२ घण्टा पछि, ट्विटरले उनीहरूमाथिको प्रतिबन्ध हटायो । फेसबुक, स्न्यापच्याट र इन्स्टाग्रामले अझै पनि उनीहरूलाई प्रतिबन्धित गरेको छ ।
ट्विटरमा प्रतिबन्ध हटाएपछि ट्रम्पले एउटा भिडियो साझा गरे जसमा उनको स्वर अघिल्लो भन्दा बिल्कुलै फरक देखिन्थ्यो र त्यस भिडियोमा उनले मेलमिलापलाई औंल्याए र भने शान्तिमय शक्तिको स्थानान्तरण हुनेछ ।
प्रतिक्रिया
