October 16, 2021, Saturday
२०७८ आश्विन ३०, शनिबार

अमेरिकाको जर्जियामा भएको पुनः मतगणनामा पनि बाइडेन विजयी

जर्जिया, अमेरिकाको जर्जियामा भएको पुनः मतगणनामा पनि राष्ट्रपतिमा निर्वाचित जो बाइडेन नै विजयी भएका छन् ।

जर्जियामा बाइडेनले राष्ट्रपति ट्रम्पलाई १२ हजार २ सय ८४ मतले हराएका हुन् । जर्जियाका मन्त्री ब्राड राफेनस्पेर्गरले हातैले गरिएको पुनः मतगणनाले नतिजा परिवर्तन नगरेको बताएका छन् ।

पुनः मतगणनामा कुनै पनि काउन्टीमा मतगणनामा गल्ती शुन्य दशमलब ७३ प्रतिशतभन्दा बढी नरहेको र बाइडनले कुल मतमा ट्रम्पलाई शुन्य दशमलब ५ प्रतिशतभन्दा कम मतले हराएको नतिजाको पुनर्पुष्टि भएको छ ।

जर्जियामा रिपब्लिकनका तर्फबाट मतदान प्रणालीमा प्रतिनिधित्व गरेकी ग्राबियल स्टेरलिङले जर्जियामा मतदान मेशिनले कुनै गडबड नगरेको प्रमाणित भएको बताइन् ।

बाइडनले ट्रम्पले नजित्ने कुरामा आफू ढुक्क भएको र राष्ट्रपतिले गैरजिम्मेवारीपन देखाएको प्रतिक्रिया दिएका छन् । नोभेम्बर ३ मा भएको राष्ट्रपतीय निर्वाचनमा बाइडेनले ५९ लाखभन्दा बढी मत प्राप्त गरेका छन् ।

उनले ३ सय देखि देखि ३ सय २२ इलेक्टलर कलेज मत जित्ने अनुमान गरिएको छ । योसँगै राष्ट्रपति डोनाल्ड ट्रम्पको कानुनी चुनौती तीन राज्यमा समाप्त भएको छ ।एजेन्सी

शीर्ष समाचार

धेरै पढिएको