October 16, 2021, Saturday
२०७८ आश्विन ३०, शनिबार

अफगानिस्तानमा बम बिस्फोट हुँदा पत्रकारको मृत्यु

काबुल,काबुलमा बम विस्फोटन हुँदा एक पत्रकारको ज्यान गएको केही दिनभित्रै बिहीबार दक्षिणी हेल्मन्ड प्रान्तमा बम विस्फोटबाट अर्का एक रेडियो पत्रकारको ज्यान गएको छ ।
प्रहरीका अनुसार हेल्मन्डको रेडियो आजादीमा कार्यरत संवाददाता एल्यास डाईको बम विस्फोटमा मृत्यु भएको हो ।

अफगानिस्तानका सञ्चारकर्मीहरुले दुबै घटना स्वतन्त्र पत्रकारिताका विरोधी समूहबाट भएको बताएका छन् ।हेल्मन्डका पत्रकार जावेद तनविरले दुबै घटनामा प्रत्यक्ष वा अप्रत्यक्ष रुपमा संलग्न व्यक्तिहरु स्वतन्त्र प्रेस विरोधी रहेको बताए । गाेरखापत्रबाट

नोभेम्बर ७ मा काबुलमा समाचार प्रस्तोता यामा सियावाशको माक्रोरायान–ए–चर इलाकामा बम विस्फोटमा ज्यान गएको थियो । उक्त बम विस्फोटमा सियावाश सहित अरु दुई व्यक्ति मारिएका थिए । उनीहरु अफगान केन्द्रीय बैंकको एउटा सवारी साधनमा सवार थिए ।अफगानिस्तानको मुख्य विद्रोही समूह तालिबानसँग अफगान सरकारको शान्तिवार्ता भइरहे पनि अफगानिस्तानमा हिंसात्मक घटनामा कमी आएको छैन । photo file

शीर्ष समाचार

धेरै पढिएको