December 4, 2020, Friday
२०७७ मंसिर १९, शुक्रबार

टर्की ,ग्रिस र अफगानिस्तानमा शक्तिशाली भुकम्प,२६ जनाकाे मृत्यु सयौं घाइते

  • 67
    Shares

टर्की, ग्रिस र अफगानिस्तानमा शुक्रबार शक्तिशाली भूकम्प गएकाे छ । भूकम्पका कारण टर्कीमा कम्तीमा २६ जनाको मृत्यु भएको छ भने अन्य देशमा अहिलेसम्म मानवीय क्षतिको विवरण प्राप्त नभएको अधिकारीहरुले जनाएका छन् ।

टर्कीको इज्मीर शहरमा ७ म्याग्निच्युडको भूकम्प गएको र अहिले पनि खोजी तथा उद्धारकार्य भइरहेको जनाइएको छ । भूकम्पका कारण अहिलेसम्म कम्तीमा ७०९ जना घाइते भएको विवरण प्राप्त भएको टर्कीको प्रकोप तथा विपद् व्यवस्थापन कार्यालयले जनाएको छ । भूकम्पपछि सयौँ पटक पराकम्प पनि महसुस गरिएको स्थानीय बासिन्दाले जानकारी दिएका छन् ।

राष्ट्रपति रेसेप टयीप एर्डोगानले टेलिभिजन मार्फत् सम्वोधन गर्दै खोजी तथा उद्धारकार्य भइरहेको र सबै जना त्यसमा सहभागी हुन वा सहयोग गर्न आह्वान गरेका छन् । उनले त्रसित नहुन, सुरक्षा र सतर्कता अप्नाउन पनि सवैलाई आग्रह गरेका थिए । स्थानीय अधिकारीहरूका अनुसार दर्जनौं घर भत्केको विवरण आएको र अरु विवरण पनि आउने क्रममै रहेको उनकाे जानकारी छ ।

अधिकारीहरुले अरु धेरै मानिस पुरिएको हुनसक्ने आशामा उद्धारकर्ताले खोजी कार्य गरिरहेका छन् । अमेरिकी भूगर्भ निकायका अनुसार ७ म्याग्निच्युडको भूकम्पको धक्का धेरै टाढा ग्रिसको राजधानी एथेन्स र टर्कीको राजधानी इस्तानबुलमा समेत महसुस गरिएको थियो ।टर्कीमा बेला बेलामा भूकम्प गइरहन्छ ।

सन् १९९९ मा इज्मिरमा गएको भूकम्पमा करिब १७ हजार मानिसले ज्यान गुमाएका थिए । टर्की र ग्रिस दुवै देशमा भूकम्प गएपछि टर्कीका राष्ट्रपति एर्डोगान र ग्रिसका प्रधानमन्त्री किरियाकोस मित्सोताकिसले टेलिफोनमा कुराकानी भएको छ । उनिहरुका बीचमा क्षतिको अवस्था, व्यवस्थापनका उपाय, सहकार्यलगायतका विषयमा केन्द्रीत रहेर कुराकानी भएको टर्कीको राष्ट्रपतिको कार्यालयले जनाएको छ ।

यसैबीच, अफगानिस्तानमा पनि ४.२ म्याग्निच्युडको भूकम्प गएको छ । राजधानी काबुलको उत्तरपूर्वी क्षेत्रमा भूकम्पको केन्द्रविन्दु रहेको अधिकारीहरुले जनाएका छन् ।अफगानिस्तानमा आएको भूकम्पको कुनै मानवीय तथा भौतिक क्षतिको विवरण भने प्राप्त बाकी रहेकाे छ । एजेन्सी

शीर्ष समाचार

धेरै पढिएको