न्यूज डेस्क २०८२ भाद्र २४

जेनजीको आन्दोलन थप चर्किने देखेको सरकारले काठमाडौं उपत्यकाका तीनवटै जिल्लामा अनिश्चितकालीन कर्फ्यू आदेश जारी गरेको छ। काठमाडौंको चक्रपथभित्र अनिश्चितकालिन कफ्र्यू आदेश जारी गरिएको छ। बिहान साढे ८ बजेदखि लागू हुने गरी अर्को आदेश नभएसम्म चक्रपथभित्र कफ्यू आदेश जारी गरेको जिल्ला प्रशासन कार्यालय काठमाडौंले जनाएको हो।

तोकिएको क्षेत्रभित्र आवत जावत गर्न, कुनै जुलुस, सभा, प्रदर्शन बैठक, घेराउ लगायतका भेला गर्न नपाईने सुचनामा भनिएको छ। यस्तै ललितपुरका प्रमुख जिल्ला अधिकारी सुमन घिमिरेले तीन क्षेत्रका कर्फ्यूआदेश जारी गरेका छन्। मन्त्रीनिवासलाई लक्षित गरी भैसेपाटी ललितपुर महानगरको वडा नं ४, १८ र २५ मा चारकिल्ला तोकिएको छ। यस्तै एमाले पार्टी कार्यायलाई लक्षित गरी वडा नं ९ च्यासल क्षेत्रमा कर्फ्पू जारी गरिएको छ।

यस्तै कांग्रेस पार्टी कार्यालय लक्षित गरी सानेपा क्षेत्रमा समेत कर्फ्यूलगाईएको छ। हिजो एमाले पार्टी कार्यालयमा आगजनीको प्रयास भएको थियो।

यी क्षेत्रमा आज बिहान ७ बजेदेखि राति १२ बजेसम्मका लागि कफ्र्यू आदेश जारी गरिएको हो। प्रमुख जिल्ला अधिकारी घिमिरेले शान्ति, सुरक्षा कायम गर्न र सम्भावित अप्रिय गतिविधि नियन्त्रण गर्न कफ्र्यू आदेश जारी गरिएको जनाएका छन्।

यता भक्तपुरमा पनि विभिन्न क्षेत्र तोकेर कर्फ्यू आदेश जारी भएको छ। भक्तपुरमा प्रमुख जिल्ला अधिकारी नमराज घिमिरेले विज्ञप्ती जारी गर्दै विहान साढे ८ बजेबाट नै कर्फ्यूको आदेश भएको हो।

काठमाडौं बाहिरका शहरहरुमा समेत कमा समेत कर्फ्यू र निषेधाज्ञा जारी छ। धेरै शहरहरुमा भने कर्फ्यूहटाएर निषेधाज्ञा कायम गरिएको छ। सुनसरीको इटहरीमा अनिश्चितकालीन कर्फ्यूजारी छ। बर्दियाको गुलरियामा निषेधाज्ञा जारी छ। कास्कीको पोखरामा कर्फ्यू हटाएर आज बिहान आठ बजेदेखि अनिश्चितकालीन निषेधाज्ञा लगाइइएको छ।

रुपन्देहीको बुटवल र भैरहवामा मा कर्फ्यूहटाएर बिहान साढे ९ बजेदेखि निषेधाज्ञा जारी गरिएको छ। झापाको बिर्तामोड र दमकमा लगाइएको कर्फ्यूको समय सकिएको छ। थप निर्णय लिन छलपल गरिरहेको प्रमुख जिल्ला अधिकारी गोपाल कुमार अधिकारीले जानकारी दिए।

यता सरकारले गरेको निर्मम हत्यावरुद्ध जेनजी युवाहरु आज बिाहनैदेखि बानेश्वर क्षेत्रमा भएका छन्। काठमाडौंको कलंकीमा युवाहरुले बिहानै टायर बालेर विरोध प्रदर्शन गरीसकेका छन्।

बानेश्वरमा कर्फ्यूकाबीच युवाहरुको संख्या बाक्लिँदै गएको छ। जेनजी मात्र नभई त्योभन्दा पाका उमेर समूह पनि आन्दोलनमा देखिएका छन्।

सामाजिक सञ्जालमा छोराछोरीलाई आन्दोलनमा पठाउनुभन्दा अभिभावक नै सडकमा आउन आह्वान गरेको देखिएको छ। आज देशव्यापी नै विरोध प्रदर्शन गर्ने जेनजीहरुले चेतावनी दिएका छन्।