November 24, 2020, Tuesday
२०७७ मंसिर ९, मंगलवार

कालिकोटको नाग्म बजारमा सुख्खा पहिरो खस्दा १० जनाको मृत्यु

कालिकोट, कालिकोटको नाग्म बजारमा सुख्खा पहिरो खस्दा १० जनाको मृत्यु भएको छ। जिल्लाको तिलागुफा नगरपालिका-१ मा रहेको नाग्म बजारमा आइतबार बिहान पहिरो खसेको हो। बजारमाथिबाट सुख्खा पहिरो खसेका कारण पुरिएर १० जनाको ज्यान गएको प्रहरीले जनाएको छ।

कालिकोट र जुम्लाको सिमानामा रहेको यो बजारका चार वटा घर पहिरोमा पुरिएका छन्। पहिरोमा पुरिएर एकै घरका चारजना सहित १० जनाको ज्यान गएको हो। जिल्ला प्रहरी कार्यालयका अनुसार आइतबार विहान साढे ७ बजे पहिरो गएको हो । जिल्ला प्रहरी कार्यालयका डिएसपी श्यामबाबु ओलीयाले पहिरोमा १० जनाको मृत्यु भएको जानकारी दिएका छन ।

डीएसपी ओलियाका अनुसार तिलागुफामा केहीदिन अघि कोरोना देखिएपछि त्यहाँ निषेधाज्ञा जारी छ। बजार सिल भएका कारण स्थानीयहरु घरभित्रै बसेका थिए। यसकारण पनि मानवीय क्षति धेरै भएको प्रहरीले जनाएको छ

शीर्ष समाचार

धेरै पढिएको