रवि लामिछानेका सवारी चालकको मृत्यु

राष्ट्रिय स्वतन्त्र पार्टी (रास्वपा) का सभापति रवि लामिछानेका सवारी चालक शम्भु थापाको उपचारका क्रममा मंगलबार मृत्यु भएको छ। वैशाख ४ गते चितवनमा घरको छतबाट खसेर घाइते भएका चालक शम्भु थापाको मेडिसिटी अस्पतालमा उपचारको क्रममा निधन भएको हो ।

रास्वपाका महामन्त्री एवम् प्रवक्ता डा. मुलुक ढकालले थापाको उपचारका क्रममा भैसीपार्टीस्थित मेडीसिटी अस्पतालमा मृत्यु भएको जानकारी दिनुभयो।

उपनिर्वाचनको क्रममा चितवन पुग्नुभएका थापा वैशाख ४ गते घरको छतबाट खसेर घाइते हुनुभएको थियो।चितवन भरतपुर अस्पतालमा प्रारम्भिक उपचारपछि थापालाई थप उपचारका लागि हेलिकप्टरमा काठमाडौं ल्याइएको थियो।भेन्टिलेटरमा राखेर उपचार गराइएकोमा थापाको स्वास्थ्यमा सुधार आउन सकेको थिएन।