December 1, 2020, Tuesday
२०७७ मंसिर १६, मंगलवार

पहिरो गएको १४ दिनपछी पहिरोपिडितलाई टेन्टमा व्यवस्था

साङ्केतिक तस्बिर

चौतारा, पहिरोका कारण परिवारको सदस्य गुमाएका घरवारविहीन जुगल गाउँपालिक-२, लिदिका पहिरोपिडितलाई अस्थायी बासको लागि टेन्टमा व्यवस्था मिलाइएको छ ।

मुख जिल्ला अधिकारी उमेशकुमार ढकालका अनुसार जिल्ला विपद् व्यवस्थापन समितिले उपलब्ध गराएको ९८ वटा टेन्टमा अस्थायी बासको व्यवस्था गरिएको छ । लिदीमा पहिरो गएको १४ दिनपछि पहिरोपीडित टेन्टको व्यवस्था भए पनि खानेपानी र शौचालयको उचित प्रबन्ध भएको छैन ।

टेन्टमा अभिभावक गुमाएका बालबालिका, वृद्धवृद्धा, गर्भवती महिला तथा दीर्घरोगीलाई राखिएको छ । हिमाली क्षेत्र भएका कारण वर्षा भइरहने गरेकाले चिसो हुन थालेपछि विस्थापितहरू बिरामी पर्न थालेका छन् । गत साउन ३० गते लिदीमा पहिरो जाँदा ३९ जना बेपत्ता भएकोमा ३३ जनाको शव फेला परेको छ ।

लिदी पहिरोपीडित १७२ घरपरिवारमध्ये १२५ परिवारलाई लिदी पहिरोबाट ११ घण्टाको दूरीमा रहेको जुगल गाउँपालिका–१, सेलाङको बाँसखर्क सामुदायिक वन क्षेत्रमा टेन्ट हालेर अस्थायी रूपमा बसोबासको व्यवस्था गरिएको हो ।

शीर्ष समाचार

धेरै पढिएको