प्रधान सेनापति प्रभुराम शर्माद्वारा दर्ज्यानी चिह्न प्रदान
नेपाली सेनाका प्रधान सेनापति प्रभुराम शर्माले रथी दर्जामा पदोन्नति हुनुभएका सीताराम खड्कालाई दर्ज्यानी चिह्न प्रदान गर्नुभएको छ ।कात्तिक १६ गते बसेको मन्त्रिपरिषदको निर्णय अनुसार खड्का रथीमा बढुवा हुनुभएको थियो ।
शुक्रबार जङ्गी अड्डामा आयोजित कार्यक्रमका बीच उहाँलाई प्रधान सेनापति शर्माले रथी दर्जाको दर्ज्यानी चिह्न प्रदान गर्नुभएको हो ।सैनिक जनसम्पर्क तथा सूचना निर्देशनालयले जारी गरेको विज्ञप्तिमा पदोन्नती हुनुभएका खड्का बलाध्यक्षमा नियुक्ति हुनुभएको उल्लेख छ ।
यसैगरी, उपरथीमा विजय थापा र आशबहादुर तामाङ्गलाई पनि दर्ज्यानी चिह्न प्रदान गरिएको छ । थापा सुदूरपश्चिम पृतना हेडक्वार्टरको पृतनापति र तामाङ्ग नेपाली सैनिक वार कलेजका शिक्षाध्यक्षमा नियुक्ति हुनुभएको छ ।दर्ज्यानी चिह्न प्रदान कार्यक्रममा नेपाली सेनाका रथीबृन्द तथा अधिकृतहरूको उपस्थिति रहेको थियो ।
प्रतिकृया दिनुहोस्