February 4, 2023, Saturday
२०७९ माघ २१, शनिबार

कान्तिपुर टेलिभिजनको कार्यालयमा पत्रकारहरूको धर्ना

सोमबार पत्रकारहरूले कान्तिपुर टेलिभिजन परिसर अगाडि धर्ना दिएका हुन्। टेलिभिजनको तीनकुनेस्थित कार्यालय परिसर अगाडि पत्रकारहरूले धर्ना दिएको हाे।

श्रमजीवी पत्रकारहरूलाई निष्कासन गर्ने, दबाबपूर्ण बिदामा राख्ने, तलबभत्ता कटौती गर्ने, अनुचित सरूवा गर्ने, नियमित पारिश्रमिक नदिने लगायत समस्या बढ्दै जान थालेपछि नेपाल पत्रकार महासंघले विरोध कार्यक्रम घोषणा गरेको थियो।

त्यसअनुसार सोमबार पत्रकारहरूले कान्तिपुर टेलिभिजन परिसर अगाडि धर्ना दिएका हुन्।उनीहरूले पत्रकार दिपा दाहालको कान्तिपुरमा तत्काल पुनर्बहाली, न्यूनतम पारिश्रमिक तत्काल लागु, श्रमजीवी पत्रकार ऐनको कार्यान्वयन, स्ट्रिन्जर र रिपोर्टरलाई स्थायी बनाउनुपर्ने लगायतका माग राखेका छन्।

विभिन्न बहानामा निष्कासित गरिएका पत्रकारहरूलाई पनि पुनर्वहाली गर्न माग गरेका हुन्।सञ्चार गृहसँग पटक/पटक पत्राचार, संवाद तथा दबाबका विभिन्न कार्य अघि बढाउँदासमेत बेवास्ता गरिँदै आएको महासंघले जनाएको छ।

शीर्ष समाचार

धेरै पढिएको