प्रदर्शनकारीहरूलाई घर जान क्यानाडाका प्रधानमन्त्री जस्टिनको आग्रह

क्यानाडाका प्रधानमन्त्री जस्टिन ट्रुडोले शुक्रबार सबै प्रदर्शनकारीहरूलाई घर जान आग्रह गर्दै, “सबै कुरा वार्ताको टेबलमा छ” भन्नुभएको छ।

“यो गैरकानूनी गतिविधि समाप्त हुनुपर्छ, र यो अन्त्य हुनेछ,” ट्रूडोले भन्नुभयो। “हामी आशा गर्छौं कि यी मानिसहरूले घर जाने निर्णय गर्नेछन्। अन्यथा, त्यहाँ सुरक्षा व्यवस्था थप कडा पारिनेछ।

ओटावा, विन्डसर र अन्य ठाउँमा भएको नाकाबन्दीका पछाडि प्रदर्शनकारीहरू विरुद्ध कारबाही गर्ने प्रहरी र सबै तहका सरकारको तयारी भइरहेको ट्रुडोले बतताउँनुभएको छ।

संघीय, प्रान्तीय र नगरपालिकाका अधिकारीहरू हालैका दिनहरूमा स्पष्ट छन्: नाकाबन्दी र काफिलेका गतिविधिहरूप्रति। ती “अवैध” र “गैरकानूनी” गतिविधि अन्त्य हुनुपर्छ, उहाँले थप्नुभयो ।

उहाँले भन्नुभयो संघीय सरकारले “अर्थतन्त्रलाई बन्धक बनाउने” र राष्ट्रको राजधानीमा जीवनलाई ठप्प पार्ने कार्यकर्ताहरूलाई अब सहने छैन।