विदेशमा नेपाली श्रमिक अलपत्र पार्नेलाई कारबाही

काठमाडौं, सरकारले आकर्षक राम्रो रोजगारी दिने प्रलोभन देखाएर भ्रमण भिसामा विदेश लगेर नेपाली कामदार अलपत्र पार्नेलाई कारबाही गर्ने भएको छ । विगत लामो समयदेखी बेखबर बनेको सरकारले हाल यस विषयमा भने चासो दिएको छ ।

भिजिट भिसामा विदेशमा अलपत्र पार्ने कन्सल्टेन्सी र ट्राभल एजेन्सी सञ्चालकले धमाधम विदेशमा अलपत्र पारेका नागरिकलाई स्वदेश फिर्ता पठाउन थालेका छन् ।

संयुक्त अरब इमिरेट्स (यूएई)मा रहेको त्रिनेत्र कन्सल्टेन्सीका सञ्चालक कोमल उपाध्यायमार्फत यूएईमा पुगेर अलपत्र भएका सात जना नेपाली स्वदेश फर्किएका छन् ।

यसैगरी श्रम, रोजगार तथा सामाजिक सुरक्षामन्त्री कृष्णकुमार श्रेष्ठको निर्देशनपछि सो कन्सल्टेन्सीले ती नागरिकलाई टिकट काटेर स्वदेश फर्काएको जनाइएको छ । उनले भ्रमण भिसाका नाममा नागरिक अलपत्र पार्नेलाई कडा कारबाही गर्ने बताएका हुन् ।

विभागले पाँच हजार ३३६ भिसामध्ये यूएईका लागि दुई हजार ८९१ गैरश्रमिक भिसालाई श्रमिक भिसाका रूपमा वैधानिकीकरण गरी श्रम स्वीकृति लिइएको पाइएको छ ।