August 17, 2022, Wednesday
२०७९ भाद्र १, बुधबार

बारामा क्षति मूल्यांकनकर्ता सम्बन्धि तीन दिने प्रशिक्षण सम्पन्न

बारा, बारामा कृषि तथा पशुपंक्षी बीमा क्षति मूल्यांकनकर्ता सम्बन्धि तीन दिने प्रशिक्षण कार्यक्रम शुक्रबार सम्पन्न भएको छ । बाराको कलैयास्थित होटल कर्णराजमा हिमालयन जनरल ईन्स्योरेनस कम्पनीको आयोजनामा उक्त कार्यक्रम सम्पन्न भएको हो ।

सोही अवसरमा बाली पशुपन्क्षी बीमा निर्देशिका २०७७ ले व्यवस्था गरेको छ । जसमा कृषकले बीमा गरेपछि हुने क्षेती दुई लाख भन्दा बढीको भयो भने क्षति मूल्यांकनकर्ताले मात्र मूल्यांकन गर्न पाउनेछ । विभिन्न निर्जीवन बीमा कम्पनीहरुले पनि क्षति मूल्यांकनकर्ताको तालिम संचालन गरि रहेका छ्न ।

कृषि विभागका बरिस्ठ कृषि प्रसार अधिकृत तथा बाली बीमाका फोकल पर्सन शिव सुन्दर धिमेरेले विगतका दिन भन्दा अहिले बाली बीमाको व्यापकता बढ्दै गएको र नेपाल सरकारले पनि यसलाई प्राथमिकतामा राख्दै गएको, समय सापेक्ष देखा परेका समस्या र जटिलतालाई हटाइ र बाली बीमालाई सहज बनाउन सधैं प्रयासरत रहेको बताएका छन् ।

यसैगरी कृषि पेशा तथा व्यवसायलाई गतिलो बनाउन अहिले बाली बीमा किसानहरुको लागि धेरै नै राहतको विषय भएको हिमालयन जनरल ईनस्योरेनस कम्पनीको क्षेत्रीय हेड मनोहर अधिकारीले बताए । नेपाल सरकारले हाल कुल बीमा शुल्कको ८०% अनुदान दिने गरेको छ ।

प्रशिक्षणमा प्रमुख प्रशिक्षकको कृषि विभागका बरिस्ठ कृषि प्रसार अधिकृत शिवसुन्दर धिमेरे, बीमा समितिबाट प्रकाश दहाल र हिमालयन ईनस्योरेन्सका मनोहर अधिकारी,हरिगोपाल श्रेष्ठ सहित २८ जना सहभागीहरुको सहभागिता रहेको थियो ।

शीर्ष समाचार

धेरै पढिएको