December 2, 2020, Wednesday
२०७७ मंसिर १७, बुधबार

कोरोनाको जोखिम बढेपछी तनहुँमा एक साता सिल

तनहुँ, तनहुँको देवघाट गाउँपालिकाका दुई जना स्थानीय समुदायका व्यक्तिमा
कोरोना पुष्टि भएपछी गाउँपालिका एक साताको लागि सिल गरिएको छ । कोभिड-१९ न्यूनीकरणका लागि गाउँपालिकाले आजदेखी गाउँपालिका सिल गर्ने निर्णय गरेको छ ।


भरतपुर अस्पताल कोभिड-१९ प्रयोगशालामा गरिएको परिक्षणमा देवघाट गाउँपालिका-५ का ५४ र ३० वर्षिया पुरुषलाई कोरोना पुष्टि भएको थियो । उक्त संक्रमीत ब्यक्ती धेरैको सम्पर्कमा रहेकाले एक हप्ताका लागि गाउँपालिका सिल गर्ने निर्णय गरिएको गाउँपालिकाका अध्यक्षले जानकारी दिएका छन ।
५४ वर्षिया संक्रमित धार्मिक ब्यक्ती हुन भने उनको सम्पर्कमा धेरै आएको पाइयो र स्थिति भयावह आउने आँकलन गरेर सिल गरेको अध्यक्ष बताउछन । उनका अनुसार एक साता गाउँपालिका र वडा कार्यालयबाट प्रवाह हुने सेवा पनि बन्द हुने भएको छ । सङ्क्रमित व्यक्तिले मङ्गलबारसम्म पनि विभिन्न व्यक्तिसँग भेटघाट गरेको पाइएको छ । उनको सम्पर्कमा आएका ४३ जनाको बुधबार स्वाब सङ्कलन गरेर पिसिआर परीक्षणको लागि भरतपुर पठाइएको छ । 


अर्का सङ्क्रमित ३० वर्षीय पुरुष काठमाडौँमा सरकारी जागिरे हुनुहुन्थ्यो । आफू कार्यरत कार्यालयका कर्मचारीमा कोरोना सङ्क्रमणको पुष्टि भएपछि उहाँ होमक्वारेन्टिनमा बसेका थिए । गाउँपालिकाका स्वास्थ्य शाखा प्रमुख प्रदीपकुमार बुढाथोकीले कन्ट्याक्ट ट्रेसिङ गरेर थप व्यक्तिको स्वाब सङ्कलन आइतबार गरिने जानकारी दिएका छन ।

शीर्ष समाचार

धेरै पढिएको