September 20, 2021, Monday
२०७८ आश्विन ४, सोमबार

समाचार लेखेको विषयमा पत्रकारलाई धम्क्याएको घटनाप्रति महासंघको गम्भीर ध्यानाकर्षण

टोकियो, जापानमा संचारकर्मी विनोदकुमार सापकोटालाई समाचार लेखेको विषयलाई लिएर गैर आवासीय नेपाली संघ नायोगाका मल्ल पक्षीय क्षेत्रीय समितिका संयोजक मनोज मल्लले अपशब्द प्रयोग गरि धम्क्याएको घटनाप्रति नेपाल पत्रकार महासंघ जापान शाखाको गम्भिर ध्यानाकर्षण भएको जनाएको छ ।

आज अध्यक्ष मोहन घले र सचिव शान्तकुमार पाहारीद्धारा संयुक्त रुपमा हस्ताक्षरित एक विज्ञप्ती प्रकाशित गदै प्रकाशित समाचारको विषयलाई लिएर निर्वाचनको निम्ति बनेको ग्रुपमा अपशब्द प्रयोग गर्दै पत्रकारलाई धम्क्याउनु निन्दनीय कार्य भएको जनाएको छ ।

साथै उक्त घटनाको छानबिन गरि दोषीमाथि कारबाही गर्न सम्बन्धित पक्षसँग माग समेत गरिएको छ । समाचार सामाग्री प्रति चित्त नबुझे कानुनी उपाचार खोजिन सक्ने प्रयाप्त आधार हुँदाहुँदै पत्रकारलाई यसलाई धम्की दिइनु प्रेस स्वतन्त्रता विरोधी काम हो विज्ञप्तीमा भनिएको छ ।

एनआरएनए जापान नागोया क्षेत्रीय अधिवेशनका सन्दर्भमा आइतबार प्रकाशित एनआरएनए नागोयाको विवाद तत्काल समाधान गर्न १४ संघ संस्थाको आग्रह शीर्षकको समाचारमा मल्लले पत्रकार सापकोटालाई अपशब्द प्रयोग गर्दै धम्कीपूर्ण भाषा प्रयोग गरेका थिए ।

जारी गरिएको विज्ञप्तीमा घटनाको सन्दर्भमा सरोकारवाला दुवै पक्षलाई बोलाई सत्य तथ्य जानकारी दिनका लागि महासंघका सल्लाहकार कविकिरण न्यौपानेलाई आग्रह गरिएको छ । पत्रकारलाई आचारसंहिताभित्र रहेर समाचार सम्प्रेषण गर्न समेत आग्रह गरिएको छ ।

शीर्ष समाचार

धेरै पढिएको