October 19, 2021, Tuesday
२०७८ कार्तिक २, मंगलवार

जेठ १९ अर्थात् त्यो कहालीलाग्दो दिन, दरबार हत्याकाण्डको २० वर्ष पुरा

काठमाडौं, तत्कालीन राजा वीरेन्द्र शाहको बंश नाश भएको आज २० वर्ष पूरा भएको छ । बि.सं.२०५८ जेठ १९ गते राती दरबारभित्रै राजारानीसहित राजपरिवारका सदस्य र आफन्तको हत्या भएको थियो ।

उच्च सुरक्षा घेराभित्र रहेको दरबारमा भएको हत्याकान्ड अहिलेसम्म पनि रहस्यमय नै छ । जेठ १९ को त्यो कहालीलाग्दो रातले अहिले पनि हरेक नेपालीलाई झस्काउने गर्छ ।

राजतन्त्र हटेर मुलुकमा गणतन्त्र स्थाना भइसके पनि तत्कालीन राजपरिवारको बंश नाश भएको जेठ १९ को नमिठो छाप अहिले पनि आम नेपालीको मनबाट मेटिएको छैन ।

पारिवारिक जमघटका मौका छोपी भएको सो घटनामा राजा वीरेन्द्र, रानी एश्वर्य, युवराज दीपेन्द्र, राजकुमार निराजन, राजकुमारी श्रुति, राजकुमार धिरेन्द्र, राजकुमारी जयन्ती, राजकुमारी शान्ती, राजकुमारी शारदा, कुमार खड्ग र अन्य राजपरिवारका सदस्यहरूको हत्या भएको थियो ।

उक्त घटनाको तत्कालिन छानविन समितिले युवराज दीपेन्द्रले हत्या गरेको भनी अपुष्ट तथ्य सार्वजनिक गरेको थियो । तर छानविन समितिको तथ्यअनुसार युवराज दीपेन्द्रले नै राजा वीरेन्द्रको वंश नाश गरेको मानिन्छ । तर सो प्रतिवेदनको दाबीलाई धेरैले विश्वास नगरेको पाइन्छ ।

शीर्ष समाचार

धेरै पढिएको