May 6, 2021, Thursday
२०७८ बैशाख २३, बिहीबार

वाणिज्य विभागको सेवा प्रवाह एक हप्ता स्थगित

काठमाडौं, बजार अनुगमनको नियामक निकाय वाणिज्य, आपूर्ति तथा उपभोक्ता हित संरक्षण विभागले अत्यावश्यक बाहेकका सेवा बन्द गरेको छ ।

सोमबार विभागले सूचना जारी गर्दै कोभिड–१९ को बढ्दो सङ्क्रमणका कारण बजार अनुगमन, आपूर्ति तथा उपभोक्ता संरक्षण शाखा तथा निकासी पैठारी इजाजत तथा सहजीकरण शाखाबाट प्रवाह हुने सेवाबाहेकका अन्य सम्पूर्ण सेवा आजबाट वैशाख १९ गतेसम्मका लागि स्थगन गरिएको जनाएको छ ।

“विभागमा सेवाग्राहीको भीडभाड हुँदा सङ्क्रमणको जोखिम थियो । जिल्ला प्रशासन कार्यालय काठमाडौँले अतिआवश्यकबाहेकका सबै सेवा प्रवाह बन्द गरेपछि प्रशासनकै आग्रहमा हामीले सेवा प्रवाह स्थगन गरेका हौँ । भीडभाड बढी हुने काम रोकिए पनि बजार अनुगमनलगायतका काम हुन्छ”, विभागका प्रवक्ता शिवराज सेढाईँले भने ।

शीर्ष समाचार

धेरै पढिएको