May 6, 2021, Thursday
२०७८ बैशाख २३, बिहीबार

राजधानीमा रुक्माङ्गद कटवाल ट्रस्टको चौथो साधारण सभा सम्पन्न (फोटो फिचर)

  • 67
    Shares
तस्वीर: लक्ष्मि श्रेष्ठको फेसबुकबाट

काठमाडौं, रुक्माङ्गद कटवाल ट्रस्टको चौथो साधारण सभा राजधानीमा सम्पन्न भएको छ । काठमाडौंको आर्मी अफिसर क्लबमा शनिबार आयोजित उक्त कार्यक्रममा संस्थाको वार्षिक प्रगति प्रतिवेदन प्रस्तुत गर्नुका साथै छात्रवृत्ति विवरण र आजीवन सदस्यहरूलाई प्रमाणपत्रसमेत वितरण गरिएको थियो ।

वि.सं. २०७१ सालमा स्थापित सो संस्थाले हालसम्म ११८ जनालाई छात्रवृत्ति प्रदान गरिसकेको छ । सैनिक विद्यालय र अन्य स्कुल तथा कलेजमा अध्ययनरत गरिब, जेहेन्दार, दलित, अपाङ्ग, वीर गति प्राप्त सैनिकका छोराछोरीहरूलाई छात्रवृत्तिमार्फत उच्च शिक्षा अध्ययनको क्रममा आर्थिक सहायता प्रदान गर्दै आइएको ट्रस्टका सचिव जगत् कटवालले बताएका छन् ।

ट्रस्टका कोषाध्यक्ष सुलक्षणा ढकालका अनुसार  संस्थाको पहलमा विगतमा दैवी विपत्तिमा सहयोग, राष्ट्रिय एकता र पर्वतारोहण, स्वास्थ्यसम्बन्धी जनचेतनामूलक कार्यक्रम तथा स्वास्थ्य शिविरहरू समय समयमा सञ्चालन गर्दै आइरहेको छ ।

कार्यक्रममा बोल्दै प्रधानसेनापति महारथी पूर्णचन्द्र थापाले रुक्माङ्गद कटवाल टस्टले विशेषतः शिक्षाको क्षेत्रमा पुर्‍याएको योगदानको उच्च मूल्याङ्कन गर्दै टस्टको उत्तरोत्तर प्रगतिको कामना व्यक्त गरे ।

यस्तै, पूर्व प्रधानन्यायाधीश सुशीला कार्कीले ट्रस्टमार्फत रुक्माङ्गद कटवालले समाजलाई पुर्‍याएको सामाजिक कामको स्मरण गर्दै सामाजिक कार्यमा ऐक्यबद्धता जनाउन सबैलाई आव्हान गरिन । साथै उनले सो अवसरमा आफूले भाषण गरी कमाएको रु. २५००० हजार ट्रस्टलाई प्रदान हरेकी थिइन् ।

यस्तै, पूर्व मन्त्री डा. प्रकाशचन्द्र लोहनी, पूर्व सचिव डा. रामकृष्ण तिमिल्सिना, पूर्व प्रहरी महानिरीक्षक अच्युतकृष्ण खरेल, वरिष्ठ कलाकार मदनकृष्ण श्रेष्ठलगायत विभिन्न क्षेत्रका विशिष्ट व्यक्तित्वहरूको उपस्थिति रहेको थियो ।

छात्रवृत्ति पाउने विद्यार्थीको तर्फबाट नेशनल ल कलेजमा बीएएलएलबिका लागि छात्रवृत्ति प्राप्त छात्रा सफलता विक, शिक्षकको तर्फबाट शिक्षाविद् एवं पूर्व सचिव डा. रामकृष्ण तिमिल्सिना, कार्यसमिति सदस्य एवं चर्चित कलाकार जितु नेपाल, वरिष्ठ कलाकार दीपा श्री निरौलालगायतले आआफ्नो मन्तव्य राखेकी थिइन् ।

कार्यक्रममा करिब ४०० जनाको उपस्थिति रहेको थियो । जसमा विभिन्न वरिष्ठ कलाकारहरूको प्रस्तुतिका साथ विद्यार्थीहरूले समेत आफ्नो साङ्गीतिक प्रस्तुति राखेका थिए ।

शीर्ष समाचार

धेरै पढिएको