May 12, 2021, Wednesday
२०७८ बैशाख २९, बुधबार

बागलुङमा भेटियो १२ फिट लामो किङ कोब्रा

  • 8
    Shares
file photo

बागलुङ, बागलुङमा विषालु सर्पको प्रजाति किङ कोब्रा सर्प भेटिएको छ । शुक्रबार बागलुङ नगरपालिका–७ मूलपानी स्थानीय सुदीप गौतमका घरमा उक्त सर्प भेटिएको हो ।

सर्प भेटिएलगत्तै घरपरिवारले प्रहरी र डिभिजन वन कार्यालयमा खबर गरेपछि पोखराबाट ‘सर्प संरक्षण समाज पोखरा’का अध्यक्ष महेन्द्र कतिलाको टोलीले आएर उक्त सर्प अन्यत्र पठाएको छ ।

कतिलाका अनुसार किङ कोब्रा नेपालको दुई हजार २०० मिटरसम्म पाइन्छ । शुक्रबार भेटिएको स्थान भने एक हजार ५०० मिटरको हाराहारीमा पर्छ । सुरक्षामा खटिएका प्रहरीले उक्त सर्प १२ फिट लामो र पाँच किलोग्रामको भएको बताएका छन् ।

सर्प नै खाने यो सर्प केही खाएर आराम गरेका बेलामा घरभित्र पसेको हुन सक्ने उहाँले अनुमान गरे। लामो अध्ययनका क्रममा पनि यो सर्पले जो पायो त्यसैलाई नटोकेको भेटिएकाले मार्ने वा अन्यत्र लाने नगरी गाउँ नजिकै छाडेको बताए ।

प्रायः किङ कोब्राले टोक्दैमा विष लाग्छ भन्नेसमेत नभएको उनले बताए । “यो सर्पले चाहेका बेला मात्र विष बमन गर्छ” उनले भने ।“विष बमन गरेको खण्डमा टोकेको ३० मिनेटमै मानिसको मृत्यु हुन्छ ।”

शीर्ष समाचार

धेरै पढिएको