दुर्गाप्रसाद तिम्सिनाले लिए नागरिकता
काठमाडौं, बिना सुनुवाइ ४० वर्ष भारतीय जेलमा बन्दीजीवन बिताएर स्वदेश फर्किएका इलामको माई नगरपालिका– १० लुम्बाकका दुर्गाप्रसाद तिम्सिनाले नेपाली नागरिकताको प्रमाणपत्र लिएका छन् ।
उनले बिहिवार जिल्ला प्रशासन कार्यालय इलाममा पुगेर नागरिकता लिएका हुन् । भतिजो गोपाल तिम्सिना, भाइ धीरेन्द्र शर्मा रमणसहित जिल्ला प्रशासन कार्यालयमा नागरिकताका लागि पुगेका उनलाई प्रशासकीय अधिकृत देवीचरण फुँयालले ०३–०१–७७ –०३२५१ नागरिकता प्रमाणपत्र नम्बर भएको नागरिकता प्रदान गरेका हुन् ।
नागरिकता लिन कार्यालय आएका उनलाई सहायक प्रमुख जिल्ला अधिकारी झरेन्द्र चापागाईंले खादा ओडाएर सम्मान गरेका थिए । तिम्सिनाको नागरिकतामा बाबुको महलमा चम्फाखर तिम्सिना, आमाको महलमा धनमाया तिम्सिना उल्लेख छ ।
प्रतिकृया दिनुहोस्