July 28, 2021, Wednesday
२०७८ श्रावण १४, बिहीबार

बारामा प्रसौनी गाउँपालिकाका अध्यक्ष साहद्वारा ५१ हजारको चेक हस्तान्तरण

बारा, बारामा प्रसौनी गाउँपालिकाका अध्यक्ष भोला प्रसाद साहले ५१ हजारको चेक हस्तान्तरण गरेका छन् । आफ्नो गाउँपालिकाबाट ब्याचलर (स्नातक) पास भएकी एक महिलालाई हौसला बढाउने उदेश्यले पुरस्कार स्वरुप सोमबार ५१ हजारको चेक हस्तान्तरण गरेका हुन् ।

प्रसौनी गाउँपालिका वडा न.१ मा बस्ने आमना बेगमकी छोरी असरिना खातुनलाई आजै उनको बिवाहको दिन उनको घरमा पुगि सो चेक दिएको अध्यक्ष साहले जानकारी दिए ।

“बेटि पढाई, बेटि बचाई” भन्ने मुल नारालाई निरन्तरता दिन र आगामी दिनमा सबै जनाले आफ्नो छोरीलाई स्नातक पढाउन हौसला प्राप्त होस भने उदेश्यले यो पहिलोपटल सो रकम पुरस्कार स्वरुप प्रदान गरिएको उनले बताए ।

असरिना खातुनले बिएससि माईक्रो बाईलोजीमा ब्याचलर पास गरेकी छिन । सो कार्यक्रममा गीता साह, वडा अध्यक्ष बैधनाथ साह कानु , आनन्द कुमार गुप्ता , सुरेश साह, प्रेम पटेल र निपुन गुप्ताको उपस्थिति रहेको थियो ।

शीर्ष समाचार

धेरै पढिएको