सर्लाहीको मलङ्गवामा सर्वोच्चको फैसलालाई स्वागत गर्दै विजय जलुस

सर्लाही, सर्वोच्च अदालतले प्रतिनिधि सभा पुनःस्थापना गर्ने फैसला गरेसँगै बुधबार मुलुकका विभिन्न ठाँउमा विजय नारा, जुलुस र र्‍याली निकालिएको छ । यसै क्रममा सर्लाहीको मलङ्गवामा आज प्रचण्ड-नेपाल समुहका युवा नेता नबि राज खानको नेतृत्वमा विजय जुलुस निकालिएको थियो ।

उक्त जुलुस मलङ्गवा जि.वि.स. चोकबाट शुरु भई बालमन्दिर चोक हुँदै नगरपालिका चोकमा गएर कोण सभामा परिणत भएको थियो । संसद विघटन गर्ने सरकारको निर्णय सर्वोच्चले बदर गरेसँगै सम्पुर्ण जनताको जित भएको बताउँदै लोकतान्त्रको मान्यता राख्ने शक्तिको जित भएको जुलुसका युवा नेता खानले बताएका छन् ।

कोण सभालाई सम्बोधन गर्दै उनले भने, ” मुलुकमा ओली नेतृत्वको अन्त्य शुरु भएको र अब देशमा संघीयता धर्म निरपेक्षता र संविधान बमोजिम काम हुने छ । अब नयाँ युगको सुरुवात भएको छ ।”