विराटनगरमा करेन्ट लागेर एक जनाको मृत्यु

विराटनगर, विराटनगरमा करेन्ट लागेर एक जनाको मृत्यु भएको छ । मोरङको विराटनगर महानगरपालिका–१४ महत्तो टोलका ४० बर्षीय धजनलाल महत्तोको करेन्ट लागेर मृत्यु भएको हो ।

बुधवार दिउँसो साँढे ३ बजेको समयमा आफ्नै घर अगाडी रहेको कदमको रुखको हांगा झार्ने क्रममा रुखको हांगाले बिद्युतको मेन तारमा छुन गई करेन्ट लाग्दा रुखबाट झरेर घाईते भएका थिए ।

महत्तोलाई उपचारको लागी कोशी अस्पताल पठाईएकोमा उपचारको क्रममा बेलुका ८:३० बजे मृत्यु भएको हो । सो घटना सम्बन्धमा थप अनुसन्धान भईरहेको जिल्ला प्रहरी कार्यालय मोरङले जनाएको छ ।