घर जान पाउनुपर्ने माग राख्दै काेरियाकाे नेपाली दुतावासमा धर्ना

दक्षिण कोरियामा भिसा अबधि समाप्त भै स्वदेश फर्किन नपाएका नेपालीले सियोल स्थित नेपाली दुतावासमा धर्ना दिएका छन् l आइतबार दूतावास पुगेर उनीहरुले कार्यबाहक राजदूत रामसिंह थापा तथा श्रम कन्सुलर डिल्लीराम बास्तोलालाई भेटेर बिषेश ध्यानाकर्षण गराएका हुन् ।

अलपत्र परेका मध्येका सुवास ढकालको नेतृत्वमा गएको टोलीले आफूहरुको भिसा सकिएको भन्दै तत्काल नेपाल जान पाउँ भनि आफ्ना माग राखेका थिए । राजदूत थापाले नेपाल सरकारले कुनै निर्णय नगरी अहिले पहल गर्न नसक्ने बताएका थिए । ढकालका अनुसार उनीहरुले १ घन्टा धर्नासहित तत्काल नेपाल जान पाउँ भनेर माग राखेका थिए ।