December 4, 2020, Friday
२०७७ मंसिर १९, शुक्रबार

२३ करोड लागतमा हेटौंडाका सडक निर्माणको प्रक्रिया सुरु

फाइल फोटो

वाग्मती, वाग्मती प्रदेश यातायात पुर्वाधार निर्देशनालयले हेटौंडा उपमहानगरपालिका अन्तर्गत सडक निर्माणका लागि २३ करोड ४० लाखको लागतमा विकास तथा स्तरोन्नति प्रक्रिया शुरु गरेको छ ।

निर्देशनालयका निर्देशक सहदेव भण्डारीका अनुसार उपमहानगरपालिका क्षेत्रका विभिन्न वडाका १२ किमी ९५८ मिटर सडकको निर्माण गर्न बोलपत्रसमेत आह्वान भइसकेको छ । उपमहानगरपालिकाका प्रमुख हरिबहादुर महतसहित जनप्रतिनिधिको विशेष अनुरोधमा सडक निर्माण प्रक्रिया अगाडि बढेको बताइएको छ । हेटौँड –२ मानस चोकदेखि मनकामना चोक, सोही वडाको क्याम्पस चोकदेखि वनस्खण्डी, वडा नं ४ को हुप्राचौरको सम्पूर्ण अधुरो काम, वडा नं ५ को चिसोपानी चोकदेखि मिलन चोक, वडा नं ६ रगङ्शाला चोकदेखि हरियाली खहरे चोक तथा हरियालीचोकदेखि वडा नं ८ को सीमासम्म सडकको स्तरोन्नति गरिनेछ ।

शीर्ष समाचार

धेरै पढिएको